आयो जी आयो फागणियो : कमला जैन
आयो जी आयो जी आयो,
आयो रंगीलो फागणियो,फागणियो प्यारो 2।
1, हरया,गुलाबी लाल केशरिया,हाँ लाल केशरिया2
नवरंग सागे ल्यायो आयो फागणियो ,प्यारो फागणियो2।
2,रँगा रा बरसै बादलिया ,बरसै बादलिया***।
कण -कण धरती रो सरसायो ।
आयो फागणियो,प्यारो फागणियो2।
3,गांव भी रँगदयो, गलियां भी रंग द्यो हाँ गलियां भी रंग दयो।
रंग द्योनी सारी नगरिया आयो फागणियो,प्यारो फागणियो।
4,धोती भी रँगदयो कुर्ता भी रँगदयो हाँ कुर्ता भी रँगदयो,
रँगदयो झिणा लहरिया,रंग दयो
लाल चुनरिया।आयो फागणियो,
प्यारो फागणियो।
5,नेता न रँगदयो, अफसर न रँगदयो हाँ अफसर न रँगदयो।
रँगदयो नी चोर सिफहिया।
आयो फागणियो प्यारो फागणियो।
6,नही बोलो अक -बक नही न्हाखो बागा हाँ नही न्हाखो बागा।
मत बनो गेला बावलिया2।
आयो फागणियो,प्यारो फागणियो।
7, ऊंच नीच रो भेद मिटा वां।2।
भुला स पाछली भुलैया।
आयो फागणियो,प्यारो फागणियो।
8,”कमला”मिलजुल होली मनावां हाँ होली मनावां।संस्कारां न नही बिसरावां।
कर -कर रामा सामा ,बांटा बधाइयां।बांटा मिठाइयां।
खावां न भांग न पीवां ठंढाईयाँ।
आयो जी आयो ,आयो जी आयो ,
रंगीलो फागणियो।फागणियो प्यारो,फागणियो प्यारो 3।
राजविराज।
कमला जैन राज बिराज।
About Author
